Nëse AC Milan merret nga pronarë të rinj të pasur nga Bahreini, ylli i Manchester City, Raheem Sterling mund të transferohet në San Siro. Ky është lajmi i bujshëm që raportohet nga La Gazzetta dello Sport. Kompania nga Bahrein, Investcorp, është një nga kandidatët për të marrë drejtimin e Milanit. Shuma e transaksionit mund të jetë deri në një miliard euro. Nëse kjo ndodh, Milani ka të ngjarë të nisë një ofensivë transferimi.
Sipas La Gazzetta, Raheem Sterling mund të dërgohet në Milano. Agjentët e futbollistit duan t’ia ofrojnë autoriteteve të reja të klubit të Milanit dhe Pep Guardiola nuk ka në plan ta bllokojë këtë transferim. Kontrata aktuale e Sterlingut me Manchester City skadon vitin e ardhshëm. Prandaj vera që po vjen do të jetë mundësia e fundit për “qytetarët” që të fitojnë para prej tij. /Sport Ekspres/