Shumë dyshime dhe polemika ka në Serinë A sa i përket favorizimit të një ekipi apo dëmtimit të tjetrit. Pavarësisht se VAR ka hyrë prej kohësh, situata thuajse nuk ka ndryshuar fare. Në Itali janë detyruar për të bërë një tjetër hap më tej drejt transparencës.
Kështu Seria A ka vendosur që të transmetojë audiot e bisedave të VAR mes zyrtarëve dhe arbitrave. Ato do të jepen nga DAZN në sezonin e ardhshëm, teksa do të bëhen publike çdo 15 ditë. Në këtë mënyrë do të jetë gjithçka transparente dhe tifozi mund të kuptojë arsyetimin që ka një arbitër për marrjen e një vendimi. /Elio Hajdari-Sport Ekspres/