Interesime të jashtëzakonshme ka për lojtarët e Tiranës në këtë merkato të verës. Por trajneri Orges Shehi ka vendosur si kusht për rinovimin, mbajtjen e një grupi të fortë për Europën. Kjo do të thotë se mes emrave cilësorë që do të largohen, të tjerët që do të afrohen duhet të kenë të njëjtin potencial.
Newsport ka zbuluar se ka pasur një bisedë telefonike mes drejtuesëve të Tiranës dhe Erdenis Gurishtës. Klubi kryeqytetas po mundohet që të bind lojtarin për t’u afruar te kampionët e Superiores, ndërsa Vllaznia ka vendosur si çmim 100 mijë euro që duhet të derdhen në arkat e klubit. /Sport Ekspres/