Një fenomen i çuditshëm ndodh me lojtarët shqiptarë që përfaqësojnë shtete të tjera, por edhe me boksierët. Sa herë që vijnë evenimente të rëndësishme ku kërkojnë mbështetjen e njerëzve, zgjedhin që të bëjnë shqiponjën dhe të japin mesazhe patriotike për të fituar mërgatën e fortë të shqiptarëve.
Ndërsa kur vijnë intervistat në shtetet ku janë rritur, shprehen se i përkasin pikërisht atij vendi, jo Shqipërisë. Nëse për Granit Xhakën të gjithë jemi bërë krenar me shqiponjën e tij kundër Serbisë, vet lojtari shprehet i penduar për këtë veprim të bërë, të paktën kështu është shprehur në median më të madhe zvicerane, Blick. “Ka shkuar gjithçka mirë në atë ndeshje kundër Serbisë, përveç shqiponjës, nuk duhej ta kisha bërë atë”, u shpreh Xhaka. /Sport Ekspres/