Elbasani renditet në vendin e 4-t në zonën Play-out të Grupit B dhe situata nuk është e mirë, pasi shpëtimi direkt për të mos rënë nga kategoria është një mision i vështirë. Humbja në javën e 19-të me Pogradecin e rëndoi situatën dhe solli edhe dorëheqjen e trajnerit Elvis Kotorri.
Gjithsesi, zëvendëstrajneri Marsid Dushku deklaron për SportEkspres.com se skuadra ka mundësi e forca që të mbijetojë në Kategorinë e Parë. Madje ai beson te një rezultat pozitiv në ndeshjen e javës së 20-të me Apoloninë në Fier.
“Edhe pse kampionati u ndërpre me arsye shumë logjike, ne na shërben kjo hapësirë për t’i vazhduar me më shumë intensitet përgatitjet tona. Mbijetesa tashmë është mision i vështirë, por ne do bëjmë gjithçka që ajo të arrihet. Ndeshjen e javës së 20-të e luajmë në transfertë ndaj Apolonisë dhe do shkojmë me besim për rezultat pozitiv”, deklaroi zëvendëstrajneri i skuadrës së Elbasanit, Marsid Dushku.
AGRON KAJA