Nga Klaudio Ndreca
Pas shkarkimit të Valverde Barcelona befasoi me zgjedhjen e trejnerit të ri. Kuike Setien, ish-trajneri i Real Betis, iu prishën pushimet që po kalonte në fermën e tij të lopëve në fshat për t’iu ofruar kontrata e jetës. Trajneri spanjoll u përzgjodh kështu nën drejtimin e gjigantëve të Barcelonës, aq sa dh vet nuk e besoi se ndaj tij ishte gati një kontratë. Prej asaj kohe Setien ka bërë një punë mjaft të mirë me katalanasit duke e mbajtur skuadrën në vendin e parë deri në momentin e pezullimit të kampionatit.
Së fundmi në një deklaratë të tijën trajneri ka thënë se ëndrra e tij me Barcelonën nuk është thejsht triumfi në kampionat por edhe në kupat e europës. Madje imagjinata e tij shkon përtej normales, ndonëse Barça e ka mundësinë, duke menduar trofeun e Championsit. Një trofe që Setien shprehet se do ta festonte duke e dërguar në fermën e tij për t’ia treguar lopëve të tij. “Unë kam një ëndërr, të eci me trofeune Champions mes lopëve të mia. Dua t’ua tregojë atyre këtë trofe”- është shprehur Setien./Sport Ekspres/