Osmane Dembele ka lënë një vend bosh në “Signal Iduna Park”, meqë këtë javë u transferua zyrtarisht te Barcelona. Dortmundi do ta ketë të vështirë ta zëvendësojë, sepse merkatoja do edhe pak ditë për t’u mbyllur dhe koha ndoshta nuk do të mjaftojë. Gjithsesi, verdhezinjtë gjithnjë kanë treguar se dinë të bëjnë goditjet e duhura.
Sipas gazetës “Bild”, tre kandidatët për mesfushën ofensive të BVB-së janë Julian Draksler (PSG), Malkom (Bordo) dhe Maksuell Kornet (Lion), por nuk përjashtohet mundësia që të mos blihet asnjë lojtar. Siç duket, gjermanët nuk heqin dorë nga talentet e kampionatit francez, ngaqë basti i fundit rezultoi i suksesshëm.