Surprizë nga Bajerni! Sipas revistës gjermane “Sport Bild”, klubi bavarez po planifikon bashkimin e dy vëllezërve Alkantara në “Allianz Arena”.
Aktualisht te Bajerni luan Tiago Alkantara, ndërkohë që vëllai i tij, Rafinja, luan te Barcelona, aty ku nuk ka shumë vend. Ideja e rekordmenëve gjermanë është t’i kenë të dy mesfushorët, të cilët janë cilësorë dhe mjaft polivalentë, të përdorshëm në çdo rast.
Barcelona mund të tundohet nga kjo ide, sepse Rafinja nuk konsiderohet lojtar i rëndësishëm në “Camp Nou”, plus që largimi i tij i hap rrugë blerjes së lojtarit të Liverpulit, Filipe Kutinjo.