Doli me një pikë ndaj Egnatias, Memelli flet pas ndeshjes: Nuk erdhëm si inferior në Rogozhinë

Mes dramës së madhe është mbyllur edhe krye ndeshja e sotme në Abissnet Superiore mes Laçit dhe Kukësit. Verilindorët ishin në avantazhin e dy golave, por kurbinasit arritën që t’i merrnin një pikë në minutat e fundit falë heroi të tyre Zarubica.

Nga ana tjetër kroati Basha është ylli i ri i verilindorëve teksa ka dhënë një asist dhe ka shënuar një gol. Goli i parë do të shënohej nga Milunovic, ndërsa Basha e bëri që të dukej me e sigurt fitorja. Për të hapur disi takimin mendoi Zarubica në të 68 dhe në minutën e fundit arriti që të dërgonte sërish topin në rrjetë pas gabimit të Peposhit në zonë.

Nga ana tjetër është mbyllur në barazimin 1-1 mes Egnatias dhe Skënderbeut. Vendasit kaluan të parët në avantazh me Kabral, por barazimi do të vinte në minutën e 18 nga Berisha. Kjo ishte historia e këtij takimi që do të qëndronte i tillë deri në fund. Më poshtë gjeni intervistat e protagonistëve për “Supersport”:

Trajneri i Laçit: “Në pjesën e parë nuk e meritonim të humbnim me vetëm një gol, mund të kishim pësuar shumë gola. Në pjesën e dytë kishim shumë raste dhe mund të fitonim. Por nëse sheh gjithë ndeshjen, atëherë rivali luajti shumë më mirë se ne. Ishim pa gjak dhe pa vizion në një pjesë të takimit. Por më gëzon fakti se tregojmë karakterin në fund dhe nuk dëshirojmë që të humbasim”.

Longo (Kukësi): “Po luanim ndaj një rivali shumë të vështirë. Nuk e di sesa ekipe mund të vijnë këtu në Laç dhe të dominojnë me lojën e tyre. Kishim shumë raste, nuk e di sesa, por i kishim edhe pa portierin. Kemi gabuar dhe rivali na barazoi. Nuk jam i kënaqur pasi kishim lojën në dorë. Por mua më kënaq loja që kemi bërë pasi jemi një grup i ri dhe e kemi thënë që në ditën e parë që duhet të rritemi. Ne duhet të përmirësohemi para në sulm pasi me 15 raste nuk mund të shënosh në 2 gol. Superiorja? I kam parë ndeshjet. Për mendimin tim ekipi më i mirë i momentit është edhe Vllaznia, pas saj vjen Teuta. Aktualisht është Vllaznia që ka më tepër në vlera karshi të tjerëve”.

Magani (Egnatia): “Nuk po i mungon asgjë ekipit. Po shpalosim vlerat tona. Ne sot kishim mungesa që nuk u vunë re. Në një moment hutimi kemi pësuar gol. Na quajnë të vegjël, por ne nuk jemi të vegjël. Jemi të projektuar për të kapur objektiva më të lartë. Duhej ta kishim fituar ndeshjen ndaj Skënderbeut, megjithëse nuk e kemi nënvlerësuar rivalin. Debat me Memellin në fushë? Jo, e kam pasur edhe lojtar Memellin. I thashë vetëm që të mos provokonin lojtarët e tij”.

Memelli (Skënderbeu): “Shpejtësia që kemi pasur me topin sot ka qenë shumë e mirë. Në pjesën më të madhe të lojës kemi qenë superior ndaj Egnatias. Duhet të jemi më shumë konkret para porte. Ndonjëherë në futboll duhet të kesh edhe fat, i kishim rastet sot. Nuk erdhëm në Rogozhinë si inferior”.

 

Leave a Reply

Your email address will not be published. Required fields are marked *

where can i buy doxycycline over the counter buy doxycycline online