Milani do të ketë përballë Genoan ditën e nesërme, ku do të kërkojë të lërë pas disfatën ndaj Sassuolos. Skuadra e Genoas drejtohet nga ish-sulmuesi i Milanit, Andri Shevçenko, i cili pati një aventurë të suksesshme nën drejtimin e Ukrainës. 45-vjeçari deklaroi se ndaj kuqezinjve do të bëjë të pamundurën që të zhvillojë një ndeshje sa më të mirë. Ai gjithashtu permendi se do të jetë gjithmonë tifoz i Milanit, përveç faktit kur luan ndaj Genoas.
“Sigurisht që do të jem i emocionuar, por u premtova tifozëve të Genoas se do të bëj më të mirën për ta. Do të bëj tifo për Milanin, si gjithmonë, por jo në ndeshjen kundër Genoas”- u shpreh Shevçenko./Elio Hajdari-Sport Ekspres/