Gareth Bale mori vëmendjen e gjithë mediave botërore kur kaloi nga Tottenham tek Reali i Madrid për shifrën 110 milionë euro në 1 shtator të vitit 2013. Atë kohë, uellsiani ishte blerja më e shtrenjtë në historinë e futbollit. Megjithatë, aventura e Bale tek Reali i Madridit nuk ishte ajo që pritej, me lojtarin që qëndroi shumë larg fushës së gjelbërt për shkak te lëndimeve të shumta
Pas një varg të gjatë dëmtimesh, Bale u rikthye tek Tottenham për tu rikthyer në formën e tij më të mirë, por mesa duket dëmtimet në këmbë janë në një shkallë serioze. Sipas mediave angleze, doktorët i kanë komunikuar 32 vjeçarit që nuk mund të stervitet më shumë se 3 herë në javë. Për këte arsye Bale do të rikthehet nga huazimi tek Reali i Madridit dhe pritet ta mbyllë përfundimisht karrierën me futbollin përpara moshës 33 vjeçare. /Elio Hajdari-Sport Ekspres/