Dinjitet dhe guxim! Dështimi në Europë, ja pse Shehi dhe Osmani janë për t’u vlerësuar te Tirana

0

Në momentin kur Tirana po bënte ecuri të keqe në Europë ishim një prej zërave kritikë, me dëshirën dhe interesin e vetëm që klubet shqiptare të ngrihen në lartësinë që ne të gjithë kërkojmë. Por për sa kohe steka e Superiores nuk është ngritur ende në nivele të tilla, fjala dështim ndoshta nuk e përmbush të gjithë kuptimin e saj.

Të dështosh do të thotë të mos arrish të përsëritësh vetveten, një sukses që arritur më herët dhe që nuk mundet të përsëritet. Dështimi i Tiranës ishte i një tjetër niveli, klubi nuk përmbushi objektivin pas kampionatit ku kërkohej dalja përtej të zakonshmes.

Pra aktualisht është vetëm Skënderbeu që ka arritur deri në fazën e grupeve, nuk jemi mësuar shpesh me arritje të tilla. Por edhe mes “ngjyrës së zezë”, mund të dallohet pika e bardhë. Në fund të fundit, drejtuesit e klubit kanë guxim dhe dinjitet.

Tefik Osmani nuk u fsheh pas zhgënjimit në Europë. Në daljen e tij të fundit publike, drejtori ishte fytyra e të gjithë skuadrës me mërzitjen që e kaplonte duke e pranuar: “Po e vërtet, në Europë dështuam, ky ishte objektivi ynë”. Asnjë tendencë për të fshehur apo zbukuruar atë që ndodhi, për t’iu larguar realiteti. E kjo është për t’u përgëzuar.

Po aq sa edhe iniciativa e Orges Shehit. Trajneri i cili zhvilloi një kampionat më vete në sezonin e shkuar duke i dhënë titullin Tiranës, zgjodhi që të paraqiste dorëheqjen në momentin e eliminimit në Europë. Dorëheqje e cila nuk u pranua nga Refik Halili, që duke parë situatën, i besoi sërish të njëjtit grup.

Një dështim është kaq normal të ndodh, ajo që të gjithë kërkojnë është lidhja me klubin përtej anës ekonomike dhe përjetimi i çdo fitore apo humbje. Te Tirana, e treguan këtë aspekt! /Sport Ekspres/

You might also like
Leave A Reply

Your email address will not be published.