Kukësi dhe Dinamon e kanë mbyllur ndeshjen e sotme, pa dhuruar shumë emocione për shikuesit. Vetëm një barazim pa gola, pavarësisht tentativave dhe dëshirës së dy ekipeve për të dalë me pikët maksimale në këtë takim.
Fitorja ishte zgjidhja e vetme për Kukësin dhe Dinamon për të kaluar në psikologjinë e duhur të vazhdimit të kampionatit, por kjo nuk u arrit. Një pikë e ndarë, teksa goli i shënuar nga Zabërgja në minutën e 76 do të anulohej për pozicion jashtë loje. Më poshtë gjeni intervistat e trajnerëve në MCN TV:
Nica: “Nuk mund të themi se Dinamo është ekip i lehtë për t’u mundur. Dinamo ka shumë kualitet dhe po përshtatet me Mehmetin. Ka bërë zgjedhjet e duhura dhe po ekuilibron Dinamon. Ndërrimet tona rezultuan negative. Ne duam fitore në fushën tonë, por problemet brenda ekipit janë për çështjen e karakterit dhe shpirtin e garës, stoli nuk sakrifikon dhe kjo është pikëpyetje e madhe”.
Mehmeti: “Ishte me rëndësi që të mos humbnim, por sot ne ishim përgatitur për fitore, megjithëse kishim shumë mungesa. Me rëndësi është që nuk pësuam gol. Ekipi po më ndjek, para portës kundërshtare duhet që të jemi më të qetë për të konkretizuar. Denisoni kishte shumë mundësi për të shënuar dhe duhej të ishte më i saktë”.