Partizani ka humbur me shifrat 2-0 ndaj Bate Borisov. Pavarësisht se të kuqtë e dominuan rivalin, u mposhtën me dy gjuajtje në portë.
Reagimi i Partizanit pas pësimit të golit është për t’u diskutuar. Ekipi e kishte shumë të vështirë, thuajse të pamundur për të depërtuar me pasime në zonë.
Skema e të kuqëve po kuptohej edhe nga punëtorët e fushës. Dalje në krahun e majtë në fundore dhe krosim për në zonë.
Kjo mënyrë po sillte disi kaos te bjellorusët, por vetëm kaq, asnjë rrezik real. Zekiç duhet ta ndryshojë Partizanin në kohë rekord, nëse kërkohen grupet e Conference League, nuk është kjo mënyra sesi shkohet. /Sport Ekspres/