Grent Halili habiti gjithë opinionin sportiv mbrëmjen e djeshme, teksa deklaroi fundin e karrierës së tij si futbollist. Një vendim i papritur ky, duke ditur edhe moshën e lojtarit që është vetëm 23 vjeç. Shokët e skuadrës i kanë shprehur respektin e tyre në rrjetet sociale, duke i uruar fat në jetën e tij në vazhdim.
Por ka edhe nga ata që nuk e besojnë dot këtë tërheqje të parakoshme nga futbolli. I tillë është edhe Majkëll Ngo, i cili komenton në postimin e lamtumirës së Halilit dhe i kërkon të harrojë vendimin e marrë e të kthehet sërish të nesërmen në stërvitje.
“Harroje këtë postim dhe eja në stërvitje nesër. Le të krijojmë historinë përsëri! Djalë shumë i fortë dhe i veçantë. Le ta bëjmë këtë gjë”, shkruan Majkëll Ngo.
Ndërkohë nuk mungon as një koment nga motra e Grent Halilit, Goldi, e cila vlerëson vendosmërinë e vëllait të saj. “Diferenca mes një djali dhe një burri të vërtetë! Krenari”, komenton Goldi Halili, vajza e presidentit të klubit të Tiranës./Halit Delibashi-Sport Ekspres/