Angel Di Maria në verë thuajse u bë lojtar i Barcelonës. Kryesia e klubit dhe trajnerit Ernesto Valverde e kanë parë atë si zëvendësin ideal të Nejmarit, i shitur për 222 mln euro te PSG-ja.
Barcelona madje i kishte bërë ofertë të majme, me pagë 10 mln euro në sezon, duke e renditur menjëherë pas Lionel Mesit dhe Luis Suarezit si ylli më i paguar i skuadrës. Di Maria do të paguhej më shumë se Andres Iniesta dhe Xherard Pike, por transferimi nuk ndodhi, me PSG-në që kërkonte më shumë se 60 mln euro për të.