Pozitat e Ilir Dajës po lëkunden gjithnjë e më shumë me çdo javë që kalon në Abissnet Superiore. Partizani është i zhytur në një krizë rezultatesh, nga e cila as derbi nuk e shpëtoi dot. Përkundrazi, dueli me Tiranën i dha edhe një goditje më të fortë.
Në kushtet kur skuadra nuk po i përgjigjet me rezultate, Daja ka vendosur të vërë në dispozicion dorëheqjen e tij te drejtuesit e klubit. Por këta të fundit kanë treguar besimin e palëkundur për trajnerin e tyre, të cilin e duan ta kenë gjatë në pankinën e tyre. Këtë informacion e zbulon gazetari Ylli Aga në emisionin “Skaner” në “MCN TV“.
“Në informacionet që unë kam, Daja ka vënë në dispozicion dorëheqjen te drejtuesit, që është refuzuar”, ka thënë Ylli Aga./Halit Delibashi-Sport Ekspres/