Kristiano Ronaldo vazhdon të mbetet një makineri golash dhe duke mos humbur asgjë nga vlerat e tij, pavarësisht se vitet kalojnë. Në ndeshjet më të rëndësishme është ylli portugez që tregon se është aty për të bërë diferencën. Edhe në përballjen e sotme ndaj Lionit arriti të shënonte dy gola, por i vetëm nuk mund që të kalonte Juventusin më tej.
Bardhezinjtë nuk u kualifikuan pas fitores 2-1 pasi e kishin humbur takimin e parë 1-0. Nuk kishte ndodhur kurrë që nga 2010 që ekipi i Kristiano Ronaldos të mos prekte çerekfinalet e “Champions League” dhe ky dështim i lë padyshim hije të hidhur portugezit që ka ego të madhe për të fituar gjithçka. /Elio Hajdari-Sport Ekspres/