Çudirat e PSG-së, firmos me problematikun Lasana Diarra

0

Ish-mesfushori i Çelsit, Arsenalit dhe Real Madridit, Lasana Diarra, ka firmosur dhe është prezantuar sot me PSG-në, klub me të cilin ka lidhur një kontratë 18-mujore.

Tashmë 32 vjeç, Diarra ka vite që është larg formës optimale dhe ka pasur probleme pa fund, brenda e jashtë fushe. Përveç dëmtimeve serioze në gju, Diarra ka pasur edhe një betejë të gjatë ligjore me Lokomotivën e Moskës, klub me të cilin ka luajtur në sezonin 2013/14, por që u nda me gjyq dhe tashmë duhet t’i paguajë 10 milionë euro dëmshpërblim.

Ndoshta ky borxh ka detyruar Diarranë të luajë te Marseja për një sezon e gjysmë dhe të firmosë në Emiratet Arabe verën e shkuar, duke luajtur shumë pak aty.

Tani vjen kalimi, sërish milioner, te PSG, klubi i qytetit ku Diarra ka lindur dhe është rritur.

You might also like
Leave A Reply

Your email address will not be published.