Zhorzh Mendesh, agjenti i Kristiano Ronaldos, që ndodhet në Madrid duke negociuar me drejtuesit e Realit për sa i përket kalimit të portugezit te Juventusi, i intervistuar nga e përditshmja portugeze “Rekord”, thuajse e ka bërë të kryer largimin e yllit të galaktikëve nga “Santiago Bernabeu”:
“A do të shkojë Ronaldo te Juventusi? Nëse do të ndodhë, do të jetë një etapë dhe sfidë brilante për karrierën e Kristianos.
Nëse Ronaldo do të lërë Realin, do t’i jetë mirënjohës gjithmonë stafit, presidentit, trajnerit, skuadrës, mjekëve, tifozëve, gjithë botës madrilene. Do të jetë një etapë e re e karrierës së tij dhe një sfidë”.
E pra, praktikisht, agjenti fsheh lajmin, por zërë se e ka dhënë atë…