Të paguash 100 milionë euro për futbollistin më të mirë në botë, edhe pse 33 vjeç, ishte një ëndërr brenda ëndrrës: Juventusi dhe tifozët e tij bëjnë mirë që janë duke e kultivuar atë ëndërr për të veshur bardhezi Kristiano Ronaldon, por çmimi do të rritet pak…
Kjo sepse Perez mund të rrisë vlerën e kartonit, por edhe sepse Mendesh do të përfitonte shumë më shumë. Agjenti i CR7, në fakt, që është duke punuar prej kohësh, ndjek edhe interesat e tij…
Sipas “Premium”, sakaq, përfitimi i Mendeshit mund të prekë kuotën 20-25 milionë euro, pra i ngjashëm me atë të Raiolës, që çoi Pogbanë nga Juventusi në Mançester.
Juventusi pret që Perez të bëjë skonto, në sajë të presingut të Mendeshit, që gjithashtu lufton për interesat e tij dhe për të mbushur xhepat. “Zonja” mund të paguajë nga 120 deri në 150 milionë euro.