Nga golashënuesi më i ri në historinë e kampionatit indian, te skualifikimi 6-mujor, pasi kishte falsifikuar moshën. Kjo është historia e pabesueshme e Gurav Mukhi. Sulmuesi luan për Jamshedpur, skuadër e cila renditet e treta në Super Ligën Indiane, drejtohet nga trajneri spanjoll, Sezar Ferrando dhe ka në kontingjent legjendën australiane, Tim Kahill.
Më 7 tetorin e kaluar, Mukhi shënoi kundër Bengalurut vetëm 10 minuta pas aktivizimit nga stoli. Gol që theu rekordin në Indi: asnjë futbollist në histori nuk kishte arritur të shënonte në elitë në moshën 16-vjeçare. Por, lavdia e atij momenti, i krijoi mjaft probleme lojtarit.
Sipas dokumentacionit, Gurav Mukhi kishte lindur më 4 maj 2002. Për fat të keq, karta e identitetit ishte e falsifikuar. Në fakt, lojtari që cilësohej si një talent i madh ishte 28-vjeçar. Për të luajtur në nivele të larta dhe për të shpresuar në një kontratë milionere, ai kishte falsifikuar moshën me plot 12 vjet.
Mashtrimi u zbulua, me lojtarin që pranoi të vërtetën dhe Mukhi u pezullua për gjashtë muaj nga aktiviteti. Një rast i ngjashëm si ai i Eribertos në Serinë A italiane, që më pas rezultoi se quhej Luçiano. Për koeçidencë, ngjarja ndodhi në vitin 2002, kur ish-lojtari i Kievos, Interit dhe Bolonjës pranoi se kishte falsifikuar moshën më 4 vjet.
“This is the best moment of your life,” @Tim_Cahill to tonight’s goal scorer Gourav Mukhi.
Don’t miss the sensational ? scenes from the Sree Kanteerava Stadium after @JamshedpurFC earned a dramatic draw against @bengalurufc.#LetsFootball #BENJAM #FanBannaPadega pic.twitter.com/ULyOxe5uCB
— Indian Super League (@IndSuperLeague) October 7, 2018