Vllaznia do të përballet kundër Sirokit në turin e parë të “Conference League”. Ekipi shkodran i ka frikësuar boshnjakët vetëm me rrogën e ofruar për Liridon Latifin, por cilësitë duhet t’i dëshmojnë edhe në fushën e lojës. Arbitri që do të gjykojë këtë ndeshje është suedezi Kaspar Sjoberg.
Ky i fundit arbitron në elitën e futbollit të Suedisë, ndërsa nuk është emër i panjohur për ekipet shqiptare. Hera e fundit që gjykonte një ekip shqiptar në Europë është pikërisht takimi mes Tiranës dhe Zvezdës. Aspak fatsjellës pasi bardheblutë meritonin më së paku barazimin në humbjen e marrë me shifrat 0-1. /Sport Ekspres/