Buzëqesh Gega, mbrojtësi i Partizanit lë pas dëmtimin

0

Partizani humbi javën e shkuar në transfertën ndaj Laçit dhe në atë sfidë trajneri i skuadrës kryeqytetase, Skënder Gega, nuk kishte në dispozicion mbrojtësin Lum Rexhepi. Qendërmbrojtësi u dëmtua në takimin e javës së 21-të kundër Kastriotit dhe humbi ndeshjen e fundjavës.

Fatmirësisht për Partizanin, 26-vjeçari e ka lënë pas dëmtimin dhe është rikthyer në stërvitje me grupin gjatë ditës së sotme. Lajmin e ka bërë të ditur klubi në një postim në faqen zyrtare.

Në fotot e postuara në sajtin e të kuqve, me grupin po stërvitej me kohë të plotë dhe mesfushori Alesio Hyseni. Mesfushori vlonjat ka lënë pas problemet me tendinat dhe do të jetë në dispozicion në vazhdim.

You might also like
Leave A Reply

Your email address will not be published.