Skuadra e Besës së Kavajës ka njoftuar afrimin e mbrojtësit shkodran Egzon Shimaj. Futbollisti 18-vjeçar ka qenë një ndër elementët më të dalluar të akademisë së Vllaznisë dhe pjesë e grumbullimeve të kombëtareve të grupmoshave të Shqipërisë.
Shimaj nuk është i vetmi lojtar i akademisë së Vllaznisë që i bashkohet Besës gjatë kësaj merkato vere. Pak javë më parë klubi kavajas zyrtarizoi firmën me mesfushorin Uheid Hoxha. Të dy këta lojtarë zgjodhën skuadrën kavajase si vendin ku do hedhin hapat e parë në futbollin profesionist.
