Florian Riza ishte i ftuar në emisionin “Ora Sport” që transmetohet në “Ora News”. Teksa është folur për zgjedhjet e mbyllura në FSHF dhe rezultatin e përgjithshëm, është kthyer në kujtesë fakti se kandidati që shihej si njeriu kryesor që mund t’i shkaktonte vështirësi Dukës, ka marrë 0 vota.
“FSHF i bëri zgjedhjet e saj. Duka mori 37 vota, nga ekipet më në zë të Shqipërisë, Starova mori 4 vota dhe Shakohoxha që bëri gjithë këtë zhurmë të madhe, mori 0 vota. Askush nuk denjoi ta votonte pasi nuk ka asnjë vlerë dhe kjo shihet qartë”, tha Riza. /Elio Hajdari-Sport Ekspres/