Atalanta ka humbur me shifrat 1-4 ndaj Romës duke u befasuar ndaj ekipit të Murinjos. Në këtë ndeshje, Berat Gjimshiti mund të thuhet se ka luajtur takimin më të dobët të sezonit. Mbrojtësi shqiptar ishte protagonist në golin e parë që u pësua në minutën e 2.
Në atë aksion vërehet se Abraham e ka tërhequr disi duke i prishur ekuilibrin për ta rrëzuar në tokë para se të shënonte, por për arbitrin gjithçka ishte e rregullt. Ndërkohë në golin e dytë të shënuar, Zaniolo e la mbrapa mbrojtësin shqiptar me një lëvizje disi të papritur.
Kaq mjaftoi dhe në minutën e 33 Gasperini nuk e mendoi dy herë që të largonte Gjimshitin për arsye taktike për të futur Muriel. Megjithatë kjo lëvizje nuk dha shumë rezultat pasi në fund Atalanta humbi me shifrat 1-4. /Sport Ekspres/
Control, erguido ante Djimsiti, definición pegada al palo ante la salida de Musso: volvió Niccolo Zaniolo. pic.twitter.com/p9JOAoXKmo
— Fútbol Vertical (@futbol_vertical) December 18, 2021