Largimi i Lionel Messit ka lënë një “plagë të hapur” tek tifozët katalanas, të cilët për vite me radhë e kanë quajtur argjentinasin “mbretin e Barcelonës”. Vetë drejtuesit dëshironin ta respektonin legjendën e tyre duke pensionuar numrin 10 që Messi e mbante mbi shpinë. Megjithatë kjo do të jetë e pamundur, për shkak të rregullave të La Ligas.
Sipas rregullave, në La Liga të gjithë lojtarët e ekipit të parë duhet të mbajnë numrat nga 1 në 25, aq sa është numri i lojtarëve profesionistë që mund të regjistrojnë me ekipin e parë. Nëse Barcelona kërkon të pensionojë numrin 10, atëherë duhet të ketë në skuadër vetëm 9 lojtarë, çka është matematikisht e pamundur./Elio Hajdari-Sport Ekspres/