Barcelona harron sesi fitohet dhe prek fundin, pas eliminimit nga Champions League nuk fiton dot as me Osasunën

0

Barcelona “ka harruar” sesi fitohet. Edhe pas vendosjes së legjendës së ekipit në krye të pankinës, Xavi Hernandez, katalanasit nuk arrijnë të fitojnë në fushën e Osasunës. Në minutën e 12-të, pas një aksioni fantastik Gavi shënon golin e parë për Barcelonën.

Vetëm 2 minuta më vonë Osasuna barazon me anë të Garcia, duke prishur shumë shpejt festën e Barcelonës. Pjesa e parë u mbyll me rezultatin 1-1. Në minutën e 49-të, Ezzalzouli shënon golin e dytë për skuadrën e Xavit. Teksa gjërat po shkonin drejt fitores së Barcelonës, Avilla rikthen makthet e kësaj skuadre, duke shënuar golin e barazimit në minutën e 86-të.

Barcelona largohet me vetëm 1 pikë nga stadiumi “Estadio El Sadar”, ndërsa ndodhet 15 pikë larg nga Reali i Madridit i vendit të parë dhe 5 pikë nga Atletico Madrid që ka një ndeshjë më shumë për të luajtur. /Elio Hajdari-Sport Ekspres/

You might also like
Leave A Reply

Your email address will not be published.