Reali i Madridit barazoi në shtëpi me Chelsean, një rezultat ky që favorizon londinezët, të cilët mund të kualifikohen në finale me vetëm një barazim pa gola. Megjithatë madrilenët kanë treguar që luajnë deri në momentin e fundit dhe falë peshës së fanellës së tyre kanë arritur të fitojnë dhe kur rezultati duket kundër tyre.
Mbrojtësi brazilian i Realit të Madridit, Marcelo ka folur menjëherë pas pëfundimit të ndeshjes, duke deklaruar se skuadra e tij nuk dorëzohet kurrë dhe do të kërkojë me patjetër kualifikimin në finale.
“Jemi mirë dhe te qetë. Do të bëjmë një ndeshje të mirë në Londër. Punojmë cdo ditë dhe kemi arritur këtu më shumë sforco. Jam i kënaqur për Benzeman. Real Madridi nuk dorëzohet kurrë, ne do të luftojmë deri në fund”, – tha Marcelo. /Sport Ekspres/