Bekim Balaj foli në një prononcim për “Supersport” pas ndeshjes ndaj Izraelit, teksa shfaqi keqardhje për humbjen e sotme. Shkodrani më tej shtoi që kombëtarja tregoi karakter në këtë ndeshje dhe se i mungoi fati për gjetjen e golit.
“Për mënyrën se si pësuam golin e parë të vjen keq. Treguam karakter, ruajtëm qetësinë dhe kërkuam të shënojmë. Me kalimin e minutave nuk e gjetëm golin dhe ndikoi. Më pas kundërshtari shënoi golin e dytë dhe ndeshja u mbyll”.
“Në pjesën e parë e kontrolluam lojën dhe krijuam raste. Nuk shënuam dhe na u vështirësua loja çka na çoi në humbjen e ndeshjes”.
“Hapësira ishte për të luajtur në qendër dhe afër meje, por zgjodhëm që të luajmë nga krahët. Kishim mundësi për të rrezikuar dhe nga qendra”.