Nedim Bajrami ishte në qendër të vëmendjes verën që shkoi. Futbollisti shqiptar u përfol deri në ditën e fundit të merkatos për një kalim te Fiorentina, por diçka e tillë nuk ndodhi. Pa kaluar shumë kohë, 22-vjeçari e rihap përsëri çështjen e transferimit.
Sipas portalit zviceran “4-4-2“, vetë Bajrami i ka kërkuar agjentit të tij të provojë përsëri një kalim te Fiorentina. Lojtari i Empolit dëshiron të ndërrojë ambient që në muajin janar. E nëse diçka e tillë nuk do të arrihet, atëherë rruga e vetme për të mbetet vera e ardhshme. Kujtojmë se konkurenca te Empoli tashmë është rritur ndjeshëm dhe Bajrami nuk e sheh më veten një titullar fiks në skuadër./Halit Delibashi-Sport Ekspres/