Kobina është larguar nga Tirana dhe është gati për të ndërmarrë një aventurë të re në karrierën e tij. Sigurisht që nuk ishte kjo mënyra sesi vetë lojtari dëshironte ta mbyllte eksperiencën e tij në Shqipëri pasi u kthye në “mollë sherri” për përplasjen e politikës. Skandali do të pasqyrohej në të gjitha mediat dhe u përfol për një dënim që do të merrej nga Gjykata e Tiranës.
Një histori e cila mbetet e së shkuarës dhe një etapë e re nis për Kobinan. Mediat në Ganë kanë nisur të zbulojnë disi “Puzzle-n” pasi ka shumë sekret në transferimin e ri. Për momentin raportohet se skuadra e re e Kobina do të jetë në Egjipt dhe zyrtarizimi do të vi në ditën e hënën, atje ku do të mbyllen edhe testet mjekësore. /Sport Ekspres/