Atalanta është shndërruar në shkollën e prodhimit të futbollistëve në Itali. Shumë lojtarë kanë dalë nga ekipi i Bergamos, ndërsa Gasperini arrin që t’i zëvendësojë ata në mënyrën më të mirë pa iu ndierë mungesa.
Kështu do të veprohet edhe në sezonin e ardhshëm, teksa sipas mediave italiane në repartin e mbrojtjes do të jenë vetëm dy mbrojtës si garanci që nuk do të lëvizin. Bëhet fjalë për mbrojtësin e Italisë, Toloin, por edhe “murin e pathyeshëm” të Shqipërisë, Berat Gjimshitin.
Ky i fundit ka “besimin e verbër” të Gasperinit teksa po rritet nga sezoni në sezon, për të marrë vlerëismet më të larta në Itali. Caldara do të kthehet në Milano, ndërsa Sutalo do të huazohet. Gjithashtu Atalanta ka lënë derën e hapur për largim edhe sa i përket Romeros dhe Palominos. /Sport Ekspres/