Kilian Mbape dha kontributin e tij edhe në ndeshjen e fundit të PSG-së. Sulmuesi shënoi golin e katërt. Duke shkuar në kuotën e 9 golave këtë edicion në kampionat. Por, sulmuesi ka dhënë edhe 3 asist këtë edicion.
Mbape është lojtari i cili ka dhënë kontributin e tij në më shumë gola se çdo lojtar tjetër në 5 kampionatet më të mëdha në Europë. 19-vjeçari vijon të befasojë me paraqitjet e tij.
Francezi javë pas jave po vendos rekorde dhe po tregon se ai do të jetë ylli ri tani që Mesi dhe Ronaldo po iu afrohen fundit të karrierës në nivele të larta. Sigurisht që kampionati francez nuk ka të njëjtin nivel me atë anglez apo atë italian apo spanjoll. Por kjo nuk ia ul vlerat aspak kampionit të Botës.