Arsen Venger në fund të sezonit të shkuar u largua nga drejtimi i Arsenalit pas më shumë se 22 vitesh në drejtim të “topçinjve”. Shumëkush mund ta kishte se 68-vjeçarit do t’i kishte dhënë fund me futbollin, por largimi nga Arsenali mund të ketë qenë vetëm një mirupafshim dhe jo një lamtumirë.
Ditët e fundit po flitet shumë për një rikthim të mundshëm të ish-trajnerit të Arsenal në botën e futbollit, por në një post tjetër. Francezi është vetëm një hap larg emërimit si drejtori më i ri sportiv i skuadrës së PSG.
Postin e drejtorit sportiv momentalisht te parizienët e mban Antero Henrike, por duket çështje kohe largimi i tij. Për ta zëvendësuar PSG ka menduar një emër të bujshëm si Arsen Venger, i cili do të ishte një përforcim i madh për eksperiencën që zotëron në futboll Venger.