Ali Soue mbylli një sezon fantastik me Skënderbeun, ku ishte në huazim nga Kievo, ndërsa tani është kthyer në Itali.
Sulmuesi nga Gambia është në kulmin e karrierës së tij dhe tashmë kërkon hapin e madh, duke kaluar në ndonjë klub të rëndësishëm për të luajtur në kampionate më të fortë, por ka edhe një vit kontratë me Kievon dhe klubi veronez nuk e lëshon falas.
Ditët e fundit edhe Flamurtari u interesua, por drejtuesit e Kievos refuzojnë huazim të ri, pasi është e qartë që tashmë duan të arkëtojnë të paktën 500 mijë euro për sulmuesin, ashtu si bënë me Ekubanin kur e shitën në Angli.
Nga Korça portali “Korça Sot” raporton se edhe Dinamo e Zagrebit është interesuar, ndërsa Gabala që ka marrë Lilajn dhe Xhejms Adenijin në Azerbajxhan ka ndërmend të bëjë një sforcim të madh financiar, për të bindur Kievon ta lëshojë sulmuesin.