Ecuria e kombëtares së Anglisë Botërorin që lamë pas, ishte me të vërtetë impresionuese dhe pak kush e priste që ekipi i drejtuar nga Sauthgejt të mbërrinte deri në gjysëmfinalet e turneut.
Një kombëtare me moshë të re dhe me një të ardhme të madhe në horizont. Për këtë ka dhe meritën e tij trajneri aktual Gareth Sauthgejt, i cili dhe beson shumë tek të rinjtë dhe kjo shihet dhe tek numri i lojtarëve në moshë të re që janë thirrur shpeshherë në kombëtare.
Pikërisht si pasojë e ecurisë së mirë që ka pasur federata angleze ka menduar ta shpërblejë teknikun e “3 luanëve” duke i besuar stolin e kombëtares deri në Botërorin e vitit 2022. Sauthgejt ka rinovuar kontratën gjithashtu dhe me një përmirësim page. Flitet që tekniku do të përfitojë deri në përfundim të kontratës diku më shumë së 12 milionë sterlina, ku do të marrë diçka më shumë se 3 milionë sterlina çdo vit.