Trajneri i Bajernit të Mynihut, Karlo Ançeloti është përballur me kritika të ashpra pas humbjes kundër Hofenhajmit 0-2 të shtunën në mbrëje.
Askush nuk e ka kursyer teknikun italian, por ish-mesfushori i këtij ekipi Mario Basler ka hedhur dhe shashkën e madhe në një talk-show në “sport1” (“Fantalk”), duke deklaruar se Ançeloti do të largohet në janar drejt Kinës!
“Kam dëgjuar se Ançeloti ka firmosur me një klub në Kinë. Nga ajo çfarë di ai do të largohet në janar, sepse në atë kohë nis sezoni në Kinë. Nuk mund ta konfirmoj me 100% lajmin, por burimi që kam është shumë i besueshëm”- ka thënë Basler.