Juventusi ka arritur që të bëjë një nga goditjet më të bujshme në histori, duke afruar Kristiano Ronaldon në Torino. Po ashtu flitet gjithnjë e më shumë për një afrim të Pogbasë, çka do të regjistronte një tjetër transferimt të madh.
Gjithsesi, krahas afrimeve me emër bardhezinjtë po punojnë me lojtarët e moshave, pasi synimi i tyre është që të risin sa më shumë lojtarë që në të ardhmen të pasurojnë skuadrën e parë, por dhe të arkëtojnë të ardhura nga shitja e tyre.
Pas miqësores me Benfikën, Masimiliano Alegri u fokusua tek performanca e Luka Klemencën, i cili gjeti rrugën e rrjetës, por dhe tek të rinjtë në tërësi: “Ai ka bërë një gol të mrekullueshëm dhe unë jam i lumtur sepse ai është një djalosh me cilësi. Unë jam i lumtur për të gjithë djemtë e rinj, të cilët janë me ne. Ata e kuptojnë se çfarë duhet të bëjnë për të luajtur me skuadrën e parë. Juventusi po punon mirë me sektorin e të rinjve”.