Një lajm i bujshëm ka shpërthyer sot në Francë, teksa “Le Parisien” raporton se presidenti i PSG-së është nën hetim për një skandal korrupsioni.
Naser Al-Kelaifi duket se ka tentuar të blejë Botërorin e Atletikës, duke dhënë rryshfete që shkonin deri në 3.1 milionë euro. Renaud Van Ruymbeke është gjyqtari që ka marrë përsipër çështjen me hetimet që kanë nisur.
Avokati i Al-Kelaifit, Francis Szipner ka dalë përpara mediave, ku ka deklaruar menjëherë se e gjithë kjo është një shpifje dhe se nuk ka asgjë të vërtetë. Tashmë, pritet me interes se si do të shkojnë hetimet, pasi në rast se gjithçka rezulton e vërtetë atëherë do të përbënte një skandal të madh për sportin.