Xhakomo Vrioni ka hedhur pas krahëve atë lëndim të vështirë që e la jashtë fushave për 5 muaj. Sulmuesi shqiptar u rikthye me gol te bardhezinjtë, duke festuar kështu më së miri fitoren me dëmtimin. Talenti i Kombëtare ka dhënë një intervistë së fundmi për “Juventus TV”, ku tregon më tepër mbi periudhën gjatë së cilëës është përballur me lënimin. Por jo vetëm kaq, që nga mesazhet e veçanta, goli në rikthim, debutimi me fanellën e Juventusit, nisja e pasionit për futbollin e deri te Kombëtarja kuqezi. Vrioni rrëfen shumëçka për klubin e tij.
Lëndimi – “Kanë qenë muaj të vështirë midis lotëve, zemërimit, punës dhe djersës. Falë klubit, shokëve të mi, familjes sime dhe të dashurës sime, u përpoqa të metabolizoja menjëherë atë që ndodhi dhe i thashë vetes që të punoja më shumë se më parë për t’u rikuperuar. Juventus më vendosi në një ambient të shkëlqyeshëm si J Medical dhe i falënderoj të gjithë ata djem për atë që më bënë”.
Mesazhet e veçantë – “Një ditë pas operacionit Agnelli më telefonoi. Kurrë nuk prisja një surprizë të mrekullueshme dhe e falënderoj shumë. Kam marrë shumë mesazhe nga shokët e mi të ekipit të parë dhe nën 23 vjeç, nga trajneri Pirlo dhe trajneri Zauli, që ishte i kuptueshëm para së gjithash, pasi ai ka pësuar të njëjtin dëmtim si unë”.
Goli pas rikthimit – “Shumë bukur, doja ta godisja atë penallti dhe falënderoj trajnerin. Ai më pagoi për gjithçka që ndodhi”.
Debutimi në ekipin e parë – “Kam bashkangjitur këmishën time debutuese në shtëpi në Matelica, këtë vit e kam varur këtu në Torino. Një emocion i madh për të debutuar në një klub të madh, i falënderoj të gjithë”.
Dashuria me futbollin – “Xhaxhai im më dha pasionin duke më treguar kasetat e Vierisë dhe Ronaldos. Unë fillova në Matelica, pastaj në 16 vjeç u transferova në sektorin e të rinjve të Sampdorias. Më pas Pistoia, Venecia, Cittadella dhe pastaj Juventus. Një emocion i madh sepse ardhja në këtë klub të shkëlqyeshëm është emocionuese, kjo më bëri të bëj një hap shtesë për të qenë me kampionët e ekipit të parë. Ronaldo është lojtari më i mirë në botë dhe stërvitja me të të bën të kuptosh se çfarë do të thotë të jesh më i miri”.
Kombëtarja shqiptare – “Ishte një vendim i përzemërt për familjen time që lindi dhe u rrit në Shqipëri. Nuk jam penduar për tre vitet e kaluara me Italinë, vite të bukura dhe me gola. Tani jam i lumtur që jam në ekipin kombëtar me Rejan”, është rrëfyer Xhakomo Vrioni./Halit Delibashi-Sport Ekspres/