Një ngjarje e rrallë ka ndodhur në Superligën e Turqisë. Pas skandalit të një jave më parë, kur presidenti i klubit Ankaraguçu goditi me grusht arbitrin e takimit, sot kreu i Istanbulsporit i ka kërkuar skuadrës së tij të braktisë ndeshjen. Verdhezinjtë nga Stambolli ishin duke humbur me shifrat 1-2 kundër Trabzonsporit, ndërsa presidenti i klubit ishte i pakënaqur me arbitrimin. Istanbulspori pretendoi për një penallti gjatë lojës, por gjyqtari kryesor nuk akordoi 11 metërsh.
Për këtë arsye, numri 1 i klubit i bëri thirrje lojtarëve të tij që të largohen nga ndeshja. Një vendim që nuk u mirëprit nga të gjithë. Njëri prej futbollistëve të skuadrës verdhezi u ul në gjunjë dhe iu lut presidentit që të vazhdonin lojën. Por vendimi i tij ishte i pakthyeshëm. Istanbulspori u largua përpara kohe nga fusha, duke braktisur kështu sfidën. Mbetet për t’u parë se cili do të jetë dënimi i Federatës për këtë veprim të Istanbulsporit./Halit Delibashi-Sport Ekspres/
Only in Türkiye: ?stanbulspor Simon Deli begs clip president after he decides to withdraw the team from the field (after a mildly controversial non-penalty call followed by a Trabzonspor goal)
Süper Lig has completely lost the plot. pic.twitter.com/PlZhfbcii2
— Çetin Cem Y?lmaz (@cetincem) December 19, 2023
?stanbulspor president Faik Sar?alio?lu asked his players to walk off the pitch in protest of not being given a penalty against Trabzonspor.
This is happening after last week’s beating of referee. Turkey don’t deserve football.pic.twitter.com/xGnCwXNAaC
— Total Football (@TotalFootbol) December 19, 2023