Një ngjarje e pazakontë ka ndodhur mbrëmjen e djeshme në Brazil. Ndeshja mes Gremios dhe Korinthiasit është shoqëruar me momente të moskontrollimit të emocioneve. Pas vetëm 10 minutave lojë, Korinthiasit iu mohua një 11 metërsh dhe lojtari Bruno Mendez u largua nga fusha me karton të kuq.
Drejtuesit e klubit brazilian nuk janë pajtuar kurrsesi me këto vendime të marra nga gjyqtarët dhe kanë vendosur të reagojnë. Alesandro Nunezi, drejtori i futbollit të Korinthiasit nuk e ka kapërdirë dot vendimin e VAR-it dhe ka shkuar të sulmojë dhomën ku gjendeshin arbitrat në fjalë. Punonjësit e sigurisë dhe të tjerë të pranishëm e kanë ndaluar të hyjë në brendësi të dhomës, duke shmangur kështu një situatë të pakëndshme për futbollin brazilian./Halit Delibashi-Sport Ekspres/
After being denied a penalty and having a man sent off after just 8 minutes away at Gremio, Corinthians’ Director of Football Alessandro Nunes tried to storm the VAR room in the stadium.
— HLTCO (@HLTCO) November 14, 2023