Astana do të përballet kundër Partizanin në Play Off të Conference League. Në Kazakistan janë të bindur se Astana do të kalojë më tej. Nënvlerësimi është i madh për kampionët e Superiores dhe kjo shihet qartazi. Trajneri i njohur në Kazakistan, Sergey Volgin, u shpreh i bindur në suksesin e Astanës.
“Astana nuk ka rrugë tjetër, ju duhet ta mposhtni këtë ekip. Nëse krahasojmë statusin e klubeve, atëherë ekipi i Kazakistanit duket favorit në këtë çift.
Para takimit me Astanën, shqiptarët mundën klube nga Letonia dhe Andorra dhe nga Champions League u larguan nga BATE, i cili gjithashtu nuk është super klub. Nëse nuk fitoni dot me këtë ekip nga Shqipëria, Partizanin, çfarë më pas?
Nuk shpresoj, por jam i sigurt se Astana do të jetë në gjendje të kapërcejë rivalin e saj dhe të arrijë në fazën e grupeve. Tani shumë negativitet sillet rreth kampionit aktual të Kazakistanit. Shpresoj që djemtë të largohen psikologjikisht nga e gjithë kjo, të tregojnë se çfarë janë të aftë të bëjnë. Partizani është një kundërshtar i kalueshëm”, tha trajneri i njohur. /Sport Ekspres/