I është dashur pak kohë për ambientim, por tani është në nivelin më të mirë. Redon Xhixha ka në këmbët e tij Qarabag, teksa po rezulton fantastik me golat e shënuara në kualifikueset e Champions League. Ish-lojtari i Tiranës ka shënuar katër gola në turet e Champions League.
Fillimisht duke i realizuar Lincoln në transfertë, për të vazhduar me një tjetër gol ndaj Lincoln në shtëpi dhe në fund dy golat kundër kampionëve të Polonisë në transfertë, Rakow. Me këto katër gola, Xhixha mban vendin e parë si lojtari që ka shënuar më shumë gola në listën e golashënuesve të Champions League sa i përket dy tureve të para. /Sport Ekspres/