Një prej lojtarëve të Tiranës që shkëlqyen në Gjeorgji ishte edhe Përgjoni. Lojtari i cili mori vendin e Gledi Micit i doli të gjithëve nga pritshmëritë. Ndoshta edhe vetë Dinamo Batumit, që prisnin që Mici ta fillonte nga minuta e parë.
Por Përgjoni ishte surprizë e bukur. I pakalueshëm në krahë dhe shpeshherë duke ndihmuar në fazën ofensive, lojtari tregoi se është i pjekur për të përballuar edhe nivele të larta. Tashmë mbetet të shihet sesi do të reagojë Përgjoni kundër Beshiktash, pasi me ndeshjen e zhvilluar në transfertën gjeorgjiane, e ka fituar vendin e titullarit edhe për takimin e radhës. /Sport Ekspres/