Një tjetër ndeshje vjen pa pagesë për të gjithë sportdashësit shqiptarë. Edhe përballja Dinamo Batumi-Tirana do të transmetohet falas në ekranin e “MCN TV”. Është vetë klubi Tirana ai që njofton përmes faqes zyrtare në “Facebook” se mjafton që tifozët të shkarkojnë aplikacionin “Tibo TV” për të ndjekur pa pagesë përballjen e kthimit në turin e parë kualifikues të Ligës së Konferencës.
“Tifozët bardheblu do të mund të shohin ndeshjen e kthimit FC Dinamo Batumi-KF Tirana, në kanalin MCN TV. Ky kanal sjell live edhe falas për të gjithë shqiptarët transmetimin e ndeshjes nëpërmjet platformës TIBO Tv, në kanalin nr. 3. Sigurohuni të shkarkoni aplikacionin e Tibo Tv për të mos humbur asnjë moment nga emocioni i ndeshjes së dytë të raundit të parë kualifikues! Ju lutem të vini re se nuk keni nevojë të abonoheni në ketë platformë por thjesht ta shkarkoni atë për të ndjekur ndeshjen”, ka njoftuar klubi Tirana./Halit Delibashi-Sport Ekspres/