Kylian Mbappe vijon të mbetet një temë e nxehtë sa herë vjen fjala për merkaton. Sulmuesi francez prej kohësh është vënë në radarët e Realit të Madridit, ndërsa me kalimin e kohës transferimi sa vjen e duket më pranë.
Megjithatë, trajneri i PSG-së ka mohuar se Mbappe do të lëvizë këtë verë, duke dhënë 100% siguri për qendrimin e tij në Paris. Fjalë këto që janë pasuar nga një deklaratë e bujshme e homologut të tij në stolin e Realit të Madridit.
Ancelotti është shprehur se trajnerët nuk e thonë gjithmonë të vërtetën, duke lënë kështu të nënkuptohet se “los blancos“ mund të kenë gjetur akordin me yllin e ri francez. “Pochettino tha se Mbape do të qendrojë me 100%? Epo, ndonjëherë trajnerët nuk tregojnë të vërtetën“, ka thënë Carlo Ancelotti./Halit Delibashi-Sport Ekspres/