Ish-lojtari i Romës, Francesco Totti, ka folur së fundmi për vitin e tij të fundit si futbollist, të cilin italiani thotë se nuk ia uron as armikut më të keq. Francesco Tottu tregon makthin e vitit të fundit te karrierës në një intervistë për “La Gazzetta dello Sport”.
“Sezoni i fundit ishte shumë stresues. Pas një jete në fushën e lojës mendoja se ende mund të isha deçiziv, por trajneri mendonte të kundërtën. Shumicën e kohës luaja vetëm 5 apo 10 minutat e fundit të ndeshjes dhe kjo ndikoi edhe në gjëndjen time fizike.
Në një moshe te caktuar, kur nuk luan rregullisht forma trupore humbet shpejt dhe s’mund të vraposh më si më parë. Koka vazhdon të punojë në menyrë perfekte por këmbët të përgjiigjen disa sekonda me vonesë. Vitin tim të fundit të karrieres nuk do t’ja uroja as armikut më të keq” – tha në fund të intervistës së tij Totti./Elio Hajdari-Sport Ekspres/